ފުވައްމުލަކު ސިޓީއިން މަސްބާނަން ނުކުމެ އުޅުނު ދޯންޏެއް އޮޔާދަނިކޮށް ސަލާމަތްކޮށްފިއެވެ.
ފުލުހުން ބުނީ ފުވައްމުލައް ސިޓީ އިން މަސްބާނަން ނިކުމެ އުޅުނު ”ސަވާރީ“ ނަމަކަށް ކިޔާ ދޯނީގެ އިންޖީނު ހުއްޓި އޮޔާދާކަމުގެ މައުލޫމާތު ލިބިފައިވަނީ އިއްޔެ 15:50 އެއްހާ އިރު ކަމަށެވެ. އަދި އެކަމުގެ މައުލޫމާތު ފުވައްމުލައް ސިޓީ ޕޮލިހަށް ލިބުމާއެކު، ފުލުހުން އެ ސަރަހައްދަށް ގޮސް ދޯނިން ދަތުރު ކުރި މީހުންގެ ތެރެއިން 10 މީހުން ސަލާމަތް ކޮށްފައިވާ ކަމަށް ފުލުހުން ބުންޏެވެ.
ފުލުހުން ބުނީ އެ މީހުން ޕޮލިސް ލޯންޗުގައި ފުވައްމުލަކަށް ގެންގޮސްފައިވާ ކަމާށެވެ. އަދި ސަލާމަތް ކުރި މީހުންގެ ތެރޭގައި ހަތް އަންހެނުންނާއި ކުޑަކުއްޖެއް ހިމެނެއެވެ.
ހަމައެހެންމެ އެހެން ދޯންޏެއްގެ އެހީތެރިކަމާއެކު ސަވާރީ ދޯނި މިހާރުވަނީ ފުވައްމުލަކަށް ގެންގޮސްފައެއެވެ. ދޯނިން ދަތުރުކުރި އެންމެންގެ ހާލުވެސް ރަނގަޅު ކަމަށް ފުލުހުން ބުންޏެވެ.
