ބ. ކަމަދޫގައި 198 ކިލޯވޮޓްޕީގެ ސޯލާ ފޮޓޯވޮލްޓައިކް (ޕީވީ) ކެޕޭސިޓީއަކާއި 172 ކިލޯވޮޓްގަޑީގެ ބެޓެރީ އެނާޖީ ސްޓޯރޭޖް ސިސްޓަމް (ބީއީއެސްއެސް) ހިމެނޭ ސޯލާ-ޑީސަލް-ބެޓެރީ ހައިބްރިޑް ކަރަންޓު ނިޒާމެއް ބެހެއްޓުމުގެ މަސައްކަތް ކުރަމުންދާ ކަމަށް ފަތުރުވެރިކަމާއި ތިމާވެއްޓާއި ބެހޭ ވުޒާރާއިން ބުނެފިއެވެ.
އެ ވުޒާރާއިން ބުނީ މި ނިޒާމުގެ މައިގަނޑު ބޭނުމަކީ ކަރަންޓުގެ ޔަގީންކަން އިތުރުކުރުމާއި، ގްރިޑްގެ ހަމަޖެހުން ދެމެހެއްޓުން ކަށަވަރުކުރުން ކަމަށެވެ. އަދި ޑީސަލް ތެޔޮ ބޭނުން ކުރުމަށް ބަރޯސާވާ މިންވަރު ކުޑަކުރުންވެސް ހިމެނޭކަމަށް އެ ވުޒާރާއިން ބުންޏެވެ.
އެ ވުޒާރާއިން ބުނީ މި ނިޒާމުގެ ދަށުން، ރަށުގެ ކަރަންޓަށް ޑީސަލް ބޭނުންކުރާ މިންވަރު ވަރަށް ބޮޑަށް ދަށްވެގެންދާނެ ކަމަށެވެ. އަދި އަހަރަކު 92,919 ލީޓަރުގެ ޑީސަލް ސަލާމަތްވެ، ކޮންމެ އަހަރަކު 228 ޓަނުގެ ކާބަން ޑައިއޮކްސައިޑް ނުވަތަ އެއާ އެއްފަދަ ގޭސްތައް ވައިގެ ތެރެއަށް ދޫކުރުން މަދުވާނެ ކަމަށްވެސް އެ ވުޒާރާއިން ބުންޏެވެ.
އެ ވުޒާރާއިން ބުނީ މިއީ، 2028 ވަނަ އަހަރާ ހަމައަށް ރާއްޖޭގެ ކަރަންޓުގެ ބޭނުންކުރާ ތަކެތީގެ ތެރެއިން %33 އާންމުކޮށް އުފައްދާ ބާރުން އުފެއްދުމަށް، ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ދުރު ވިސްނުންފުޅު ހާސިލްކުރުމަށް ކުރިއަށްދާ މަސައްކަތުގައި ލިބޭ މުހިންމު ކުރިއެރުމެއް ކަމަށެވެ.
